+२ पछि स्नातक तहमा कानुन पढ्न चाहने बिधार्थीहरूले थाहा पाउनुपर्ने केही कुराहरु

+२ पछि कानुन पढेर वकील बन्न उद्देश्य धेरै बिधार्थीहरूको हुन्छ तर बिभिन्न कारणले गर्दा सबैजनाको वकील बन्ने सपना पुरा हुन सक्दैन । नेपालमा कानुन पढ्न चाहने बिधार्थीहरूको संख्यामा धेरै छ तर कानुन पढाउने कलेजहरुको संख्या लगभग दशवटा होला । नेपालमा कानुन पढेर वकील बन्नको लागि कानुन पढाउने कलेजहरुमा एड्मिसन लिन धेरै नै  कम्पिटिशन हुन्छ र त्यो कम्पिटिशनमा मात्र पास भएर हुदैन । मेरीट लिस्टमा कलेजहरुले निर्धारण गरेको सिट संख्या भित्र आफ्नो नाम सुरक्षित गराउनुपर्ने हुन्छ ।

कानुन पढ्न चाहने विद्यार्थीहरुलाई थप चुनौती दिने काम +२ पास भएका अरू संकायबाट आउने बिधार्थीहरू ले दिन्छन । +२ मा कानुन पढाउने कलेजहरु धेरै भए पनि ब्याचलरमा कानुन पढाउने कलेजहरु गिन्ती मा छन् । कानुन पढेर वकील बन्नु सपना पुरा गर्न धेरै बिधार्थीहरूले एक सालमा एड्मिसन नपाएमा दुईतीन साल तयारी गरेर एड्मिसन लिने गरेको देखिएको छ । कानुन पढ्न चाहने बिधार्थीहरू ले कलेजहरुले लिने प्रवेश परीक्षाको लागि कडा भन्दा कडा मिहिनेत गर्नुपर्छ ।

नेपालमा +२ पछि कानुन पढाउने कलेजहरु धेरै नै कम छन । हालसम्म लगभग ९ वटा कलेजहरुले +२ पछि कानुन पढाइरहेका छन् । +२ पछि स्नातक तहमा कानुन पढ्न चाहने बिधार्थीहरूले BA LLB वा BBM LLB पढ्न सक्छन् । BA LLB को पुरा रूप Bachelor of Art and Bachelor of Law हुन्छ र यसमा Art र Law का बिषयहरू पढ्नुपर्ने हुन्छ भने BBM LLB को फुलफर्म Bachelor in Business Management and Bachelor in Law हुन्छ र यसमा Business Management र Law का बिषयहरू पढ्नुपर्ने हुन्छ तर दुबैको समयावधि ५ बर्ष नै हुन्छ ।

नेपालमा BA LLB पढाउने कलेजहरुको संख्या लगभग ८ वटा छ भने BBM LLB पढाउने कलेजको संख्या एउटा मात्रै छ । नेपालमा सबभन्दा पहिले BA LLB प्रोग्राम सुरु गर्ने क्याम्पस नेपाल ल क्याम्पस हो र अहिले लगभग ९ वटा कलेजहरुले पठनपाठन गराउँदै छन् । दुईतीन साल देखि यता पश्चिमाञ्चल बिश्वबिद्यालय, मध्यपश्चिमाञ्चल बिश्वबिद्यालय र सुदुरपश्चिमाञ्चल बिश्वबिद्यालयले BA LLB पढाउन सुरु गरेका छन् जसले गर्दा धेरै विधार्थीहरूलाई राहत भएको छ ।

प्रवेश परीक्षा सम्बन्धी : त्रिभुवन बिश्वबिद्यालयले हरेक साल २८० जनालाई आफ्ना आङ्गिक तथा आंशिक क्याम्पस मिलाएर भर्ना गर्छ । त्रिभुवन बिश्वबिद्यालय संग सम्बन्धित क्याम्पसहरू नेपाल ल क्याम्पस, पृथ्वीनारायण क्याम्पस र नेशनल ल कलेज हुन् । नेपाल ल क्याम्पस र पृथ्वीनारायण क्याम्पस सरकारी क्याम्पस हो र यसमा पढ्दा प्राइभेट क्याम्पसको भन्दा ५०% ले पैसा कम लाग्छ । नेशनल ल कलेज प्राइभेट क्याम्पस हो र नेपाल ल क्याम्पस र पृथ्वीनारायण नारायण क्याम्पसको भन्दा दुईतीन गुणाले बढी पैसा लाग्छ । नेपाल ल क्याम्पस र पृथ्वीनारायण क्याम्पसको फि एउटै हो । त्रिभुवन बिश्वबिद्यालय संग सम्बन्धित क्याम्पसहरूमा एड्मिसन लिन अनिवार्य रूपमा प्रवेश परीक्षा दिएको हुनुपर्छ र मेरीट लिस्टको आधारमा भर्ना लिन्छन् । त्रिभुवन बिश्वबिद्यालयका क्याम्पसहरूमा पढ्न लिने प्रवेश परीक्षा डीन कार्यालयले स्वयं लिन्छ । प्रवेश परीक्षाको लागि नेपाल ल क्याम्पस र पृथ्वीनारायण क्याम्पसमा फर्म खोलिएको हुन्छ र परीक्षा पनि । तर अरू बिश्वबिद्यालय संग सम्बन्धित क्याम्पसहरूमा प्रवेश परीक्षा क्याम्पसहरूले नै लिने गर्छन् र मेरीट लिस्टको आधारमा भर्ना लिन्छन् ।

+२ पछि कानुन पढाउने कलेजहरु :